Ginpahibalo sang Gaza Health Ministry nga may lima ka journalist ang napatay sa Israeli airstrike sa Nasser Medical Complex sa Khan Younis, Gaza, sang Lunes sang aga. kalakip sila sa 21 nga napatay sa amo nga insidente.
Ginkumpirmar sang Associated Press, Al Jazeera, Middle East Eye, kag Reuters nga pila sa ila mga journalist ang napatay, upod sanday Mariam Dagga, Mohammed Salama, Ahmad Abu Aziz, kag duha ka contributors sang Reuters.
Suno sa World Health Organization, apat ka health workers ang napatay man, samtang sobra 50 ang pilason, lakip na ang mga pasyente nga kritikal ang kahimtangan.
Nagpagwa sang pahayag ang Israel nga may matuod nga pagbasol sa natabo kag ginpahayag sang Israel Defense Forces nga may ginahimo na sila nga imbestigasyon.
Ginpabutyag sang militar nga wala nila tinuyo nga targeton ang mga sibilyan, kalakip na ang mga gaubra sa media.
