ILOILO CITY – Ginpamatukan ni Iloilo Governor Arthur Defensor Sr. ang kagustuhan ni Presidente Rodrigo Duterte nga palawigon sang lima ka bulan ang Martial Law sa Mindanao.
Sa interview sang Bombo Radyo Iloilo, ginpahayag ni Defensor nga apisar pabor siya nga palawigon ang Martial Law, pero dapat nga 60 lang ka adlaw.
Suno sa gobernador, kun kinahanglan nga palawigon pa pagkatapos sang duha ka bulan, mahimo man makapangayo liwat sang extension sa Kongreso.
Ginpanawagan man sang gobernador sa Kongreso nga paminsaron sang maayo ang hingyo ni Presidente Duterte nga lima ka bulan nga extension kag lantawon ang sitwasyon sa grounds sa Marawi.