Ginkumpirmar ni Iloilo City Police Office (ICPO) Spokesperson Police Major Shella Mae Sangrines nga may lima ka mga bag-o nga ranggo sang kapulisan ang idugang sa ila talatapan.
Sa interview sang Bombo Radyo kay Sangrines, iya ginpahayag nga ang lima ka mga bag-o mga kapulisan nga idugang sa ila katapo amo ang ang may rangko nga Police Lieutenant Colonel, Police Captain, kag Police Lieutenant.
Ini ang ginalakipan nanday:
- Police Lieutenant Colonel Dante Tayco nga naghalin sa Roxas City Police Station.
- Police Captain Ryan Chris Inot nga naghalin sa Regional Head Quarters.
- Police Captain Michael Tuburan nga naghalin sa Bacolod City Police Station 9.
- Police Lieutenant Angelo Castro nga naggikan sa Ivisan Municipal Police Station.
- Police Lieutenant Owen Andrada nga naggikan sa Tangalan Municipal Police Station.
Suno kay Sangrines, dako na ini nga bulig sa ila katapo sa Iloilo City Police Office agud mangin epektibo ang paghatag sang direksyon ilabi na kon may yara na sang mga lederes.
Ginpahayag man sini nga walo kontani ang idugang, apang ang tatlo wala ginsugtan sang ila nga mga loading units.
Bangud man sa kakulangan sang mga posisyon sa talatapan, tuyo sang tikang nga matal-osan ang mga nabakante nga pwesto.
Ini kasunod man sa nangin request ni ICPO Director Police Colonel Kim Legada.
Ginalauman nga magasugod serbisyo buwas nga adlaw ang mga bag-o nga dugang nga kapulisan sa nasambit nga talatapan.
