ILOILO CITY – Lima ka mga pamatan-on nga Ilonggo ang nahatagan sang oportunidad nga magtiglawas sa Pilipinas para sa 2018 Pyeongchang Winter Olympics Youth Experience.
Ini ang ginalakipan nanday Kennie Aposaga, Christopher Geaga, Antonio Apelacio Jr., Jeanne Michaella Anthonette Nanquil sang Lemery, Iloilo samtang ang ila team leader amo si August Melody Andong.
Ang lima ang kabahin sang Saemaul Filipino Youth Volunteers.
Nahibaluan nga mismo ang Wonju City kag Gangwon-do Saemaul Undong Center ang nag-imbitar sa mga kabataan para magsaksi sa Olympic Games.
Hatagan ang mga ini sang welcome ceremony sang Wonju City government kag magatambong sa opening ceremony kag iban pa nga sports events sang Winter Olympics.