Patay ang lima ka myembro sang isa ka pamilya matapos nga nakabunggo ang ila ginasakyan nga motorsiklo sa isa ka truck kag isa ka sedan sa Purok Matinabangon, Barangay Gimangpang, Initao, Misamis Oriental.
Ginkustodiya na sang kapulisan ang driver sang truck nga imbolbado sa aksidente.
Suno kay Police Investigator PCpl Ricky Alahon Jr., padulong kuntani sa syudad sang Iligan ang motorsiklo sang nagtuyo ini nga mag-overtake sa isa pa ka salakyan kag nakabunggo ini sa Isuzu wing van truck nga nagabiyahe padulong sa syudad sang Cagayan de Oro.
Kasunod sang pagbungguanay, ang wing van truck ang ginbungguan sang Honda Civic sedan nga halin sa Tubod, Iligan City.
Suno sa otoridad nga ang mga biktima nagtambong sa isa ka party sa Alubijid, Misamis Oriental, kag nagapauli na kuntani sa Dalamas, Iligan City, sang natabo ang aksidente.
Gindala sang mga emergency responders ang mga biktima—isa ka amay, ang iya asawa, kag ang ila tatlo ka kabataan—sa ospital, apang gindeklarar sila nga dead on arrival.
Nagapangatubang karon sang kaso nga reckless imprudence ang driver sang truck nga nagresulta sa multiple homicide kag damage of property.
Ginkustodiya na sang kapulisan ang driver sang truck nga imbolbado sa aksidente.
