Iloilo – Under monitoring ang lima ka police officers kag isa ka opisyal sang Police Regional Office 6 matapos naangot sa illegal drug trade.
Sa interview sang Bombo Radyo kay Police Brigadier General Leo Francisco, Director sang Police Regional Office 6, iya ginpahayag nga may ara sila sang counterintelligence watchlist nga nagabantay sang hulag sang mga kapulisan sa Western Visayas.
Suno kay Francisco, may nagapadala sang text messages sa iya sang mga pangalan sang pulis nga naangot sa iligal nga droga, kag gilayon niya ini ginapa-imbestigaran.
Ginapahayag sang natungdan nga kun matukiban nga involved ang mga ini sa illegal nga droga, kuhaan ini sang service firearm, police badge kag paga-sayluhon sa Regional Headquarters.
Samtang, magapangatubang sang nagakaigo nga kaso ang katapo sang kapulisan sa tion nga mapamatud-an nga naangot ang mga ini sa illegal drug trade.
