Gindala sa hospital ang lima gid ka senior citizen matapos ang mga ini nga nabungguan sang motorsiklo sa Barangay Lanag Sur, Tubungan, Iloilo subong nga gab-i, Oktubre 16.
Sa interview sang Bombo Radyo kay Police Captain Lunelyn Talamillo, Officer in Charge sang Tubungan Municipal Police Station, iya ginpahayag nga isa ka 19 anyos ang driver sang motorsiklo nga ginkilala kay Alyas Carl nga residente sang Guimbal, Iloilo.
Biktima naman ang mga tigulang nga isa ka lalaki, apat ka babayi nga mga residente sang Tubungan, Iloilo.
Base sa impormasyon nga nakuha sang kapulisan, halin sa isa ka aktibidad sa simbahan ang nasambit nga mga tigulang nga nagatabok sa kalsada sang nabungguan.
Sa subong, ara sa Guimbal hospital ang mga biktima agud nga mahatagan sang nakaigo nga pagbulong.
Samtang, ang driver naman sang motorsiklo ang gindala sa Mother and Child Hospital sa San Joaquin,matapos man ini nga nakaagom sang pilas sa ulo.
Text By: Bombo Ireca Pioquinto & Bombo Joedel Nollaga
