5 ka suldado pilason sa pagsigabong sang landmine sang NPA

ILOILO CITY – Pilason ang lima ka mga suldado matapos nga malukpan sang landmine ang ginasakyan sang mga ini nga military truck sa Barangay Pangilihan, Janiuay, Iloilo.
Sa interview sang Bombo Radyo Iloilo, ginpahayag ni Lt. Col. Sisenando Magbalot Jr., commanding officer sang 61st Infantry Battalion sang Philippine Army, nagapatigayon sang community program sa nasambit nga lugar ang mga suldado sang maglupok ang landmine kagab-i.
Ika-pito na nga adlaw sang tropa sang militar sa nasambit nga lugar sang gintanuman sang landmine sang NPA ang alagyan sang mga suldado.
Napuruhan suno kay Magbalot ang isa ka corporal samtang nagapabilin karon sa ospital ang lima ka mga pilason nga suldado.