Lima ang patay kag 57 ang nasamaran sang nagsigabong ang isa ka restaurant sa Turkey.
Suno kay interior minister Ali Yerlikaya, natabo ang pagsigabong bangud sa isa ka gas cylinder.
“May God have mercy on our citizens who lost their lives, and I wish a speedy recovery to our injured,” kabahin sang post sini sa X.
Natabo ini sa banwa sang Torbali sa nabagatnan sang syudad sang Izmir.
Base sa inisyal nga impormasyon, tuman ka tunog ang pagsigabong kag nahalitan pa pati ang facades sang pila ka kaiping nga buildings amo man ang mga salakyan nga yara sa guwa sang restaurant.
Ginahibalo pa ang identity sang casualties sa sini nga insidente.
Gin-report man nga may isa ka tawo nga naaresto kasunod sang insidente. Ini nga tawo ang ginatudlo nga nag-baylo sang propane tank sa site sang nagligad nga adlaw.
