Nagsaka na sa lima ang na-report nga patay, 20 ang nasamaran, kag duha ang missing bangud sa pag-ulan nga dala sang Intertropical Convergence Zone (ITCZ) kag Shear Line.
Base sa latest bulletin sang National Disaster Risk Reduction and Management Council (NDRRMC), ang casualties ang na-rekord sa Regions II, IV-A, IV-B, V, VIII, kag XI.
Sa kabug-usan, 436,164 individuals ukon 139,000 ka mga pamilya ang naapektuhan sang malain nga panahon.
Sa sini nga numero, 549 ka mga pamilya ang nagapabilin pa sa 29 evacuation centers.
Nagbilin man ini sang halit sa imprastraktura lakip na ang 39 ka mga dalan kag anum ka taytay nga indi pa gihapon maagyan.
Ginabanta nga nagdangat sa P215.7-million ang balor sang halit kun isipon pati ang malapit 700 ka mga balay nga nakaangkon sang partial nga halit kag 394 nga naubos gid guba.
Nadeklarar naman ang state of calamity sa Baco, Oriental Mindoro amo man sa Don Marcelino kag Malita sa Davao Occidental.
