Lima gid ang patay sa nagluntad nga bungguanay sang duha ka motorsiklo sa Brgy. Crossing Rubber, Tupi, South Cotabato.
Ang isa ka motorsiklo amo ang XRM 125 nga ginamaneho sang 20-anyos nga lalaki kag may angkas nga 19-anyos nga si alyas Darel kag si alyas Bikay nga isa ka babaye.
Samtang ang isa ka motorsiklo amo ang Rusi 125 nga ginamaneho ni alyas Christian, 20-anyos kag angkas sini ang 14-anyos nga solterito nga si alyas John.
Dead on the spot ang tatlo nga sakay sang XRM 125 kag ang driver sang Rusi 125.
Nadala pa sa ospital si alyas John apang ginbawian man sang kabuhi.
Base sa inisyal nga imbestigasyon, ang XRM 125 ang pakadto sa Brgy. Cebuano, samtang ang Rusi 125 ang pakadto sa Brgy. Crossing Rubber kag ginapahayag nga madasig ang pagpadalagan.
Pag-abot sa lugar sang aksidente, nadulaan sang kontrol ang Rusi 125 kag naglapaw ini sa pihak nga linya nga nagresulta sa head-on collision sang duha ka motorsiklo.
