Nagsaka sa lima ka tawo ang napatay matapos masunog ang isa ka barko nga nagakarga sang 280 ka mga pasahero sa baybayon sang North Sulawesi, Indonesia.
Ang barko amo ang KM Barcelona 5 nagikan sa Talaud Islands padulong sa Manado sang ini nagkalayo malapit sa Talisei Island.
Suno sa report, nagsugod ang kalayo las-12 sang udto sa lugar kag nagtuga sang pag-panic sang mga pasahero samtang madasig nga nagalapta ang kalayo sa bilog nga sakayan.
Ginpahayag ni Vice Admiral Denih Hendrata, Commander sang Indonesian Fleet Command, 284 ka mga pasahero kag crew members ang naluwas matapos ginrespondehan sang tatlo ka navy ships kag sang mga manugpangisda sa lugar.
Padayon pa ang imbestigasyon sang mga otoridad kun ano ang posible nga gintunaan sang sunog sa barko.
