GUAM – Naglab-ot na sa 58 ang kaso sang mga nagpositibo, isa ang patay kag pito ang naka rekober sa Coronavirus Disease 2019 sa Guam.
May yara lamang sang 165,000 nga populasyon ang Guam.
Sa report ni Bombo International Correspondent Leynebel Leysa Senodo direkta sa Guam kag tumandok sang Lambunao, Iloilo, iya ginpahayag nga Marso 15 na sang nag umpisa nga magtuhaw ang Coronavirus Disease 2019 kag gilayon man nga nagpatuman sang partial lockdown.
Suno kay Senodo, ang mga non-essentail services ang ginpasirado na kaangay sang mga hotel kag buluthuan agud malikawan ang nasambit nga balatian.
May yara man sang ginpromisa ang gobyerno sang Guam sa diin nagapakig-angut na ini sa US Government kag handa man nga magbulig ang Estados Unidos sa mga pumuluyo sang Guam nga nadulaan sang trabaho.
Pahayag niya, nagtanyag sang 1,200 dollars ukon P61,000 ang ihatag ni US President Donald Trump sa kada empleyado sa Guam nga nadulaan sang trabaho.
