50 ka mga balay gin-raid sa Germany bangud sa child pornography

Gin-raid sang mga kapulisan ang 50 ka mga panimalay sa Germany bilang kabahin sang nationwide crackdown may kaangtanan sa child pornography.

Suno kay Michael Esser, director sang criminal investigations sa Cologne police, wala sang may na-preso sa 48 ka mga lalaki kag duha ka mga babaye bangud wala sang ebidensya nga natukiban nga may mga bata sila nga gina-abuso magluwas lang sa mga na recover nga 2,000 nga mga cellphone kag computer.

Apang nagpasalig si Esser nga indi mag untat ang mga kapulisan sa paglagas sa mga pedophile nga mga kriminal.

Sa subong, ginatinguhaan sang mga kapulisan nga ma buksan ang mga cellphone agud makakita sang ebidensya nga may mga kabataan nga ginagamit sa pagpangbugaw.