ILOILO CITY- Ginpangguba sang Local Economic Enterprise Office ang masobra 50 ka mga kilohan nga may daya.
Sa interview sang Bombo Radyo kay Executive Assistant Simplicio Subaldo, iya ginpahayag nga kalabanan nga mga kilohan nga may daya ang gikan sa fish and meat section sa nagkalain-lain nga merkado sa syudad.
Suno kay Subaldo, halos tunga gid sa kilo ang ginadaya sa nasambit nga mga kilohan.
Nagpaandam naman ang natungdan sa mga vendors nga nagapangdaya sang kilohan nga magluwas nga kumpiskaron ang ila kilohan, mangatubang man ang mga ini sang nagakaigo nga sanctions kaangay sang suspension sang ila nga pwesto kag permit.
