Patay ang 50 ka mga indibidwal lakip ang 33 ka mga kabataan matapos ang drone strikes sa isa ka kindergarten kag ospital sa Sudan.
Suno sa lokal nga opisyal sa banwa sang Kalogi sa South Kordofan, tatlo ka beses ginpalupok ang drone: una sa kindergarten, ikaduha sa ospital, kag ikatlo samtang gina-rescue mga kabataan.
Dugang pa, sang gin-target ang mga paramedics kag mga sibilyan nga nagbulig sa mga pilason, nagdugang ang kadamuon sang biktima kag nagdako ang halit sa pasilidad sang mga hospitals.
Sa karun, ginpahayag sang mga humanitarian groups kag sang UNICEF nga ini nga atake isa ka “paglapas sa kinamatarong sang mga kabataan” kag nagpanawagan sa tanan nga partido nga untaton ang pag-atake.
