HONG KONG – Preparado na ang mga kapulisan sa Hong Kong sa patigayunon nga 22nd Anniversary of the Establishment of the Hong Kong Special Administrative Region.
Sa interview sang Bombo Radyo kay Bombo International Conrrespondent Merly Bunda, direkta sa Hong Kong, iya ginpahayag nga kabug-osan nga 5,000 ka mga kapulisan ang i-deploy sa Convention and Exhibition Centre sa Wan Chai, Admiralty kag Golden Bauhinia Square.
Suno kay Bunda, ang pagpanghanda sang mga kapulisan ang para sa mga protesters nga mahimo magpatigayon sang hublag protesta may kaangtanan sa extradition bill.
May yara naman sang barikada nga nahamtang sa Square sa pagpatigayon sang flag-raising ceremony.
Ginapahayag nga may yara sang patigayunon karon sa gab-i sa Square sang pag-rehearse kag pagkanta sang national anthem kag umpisahan ang hublag protesta 6:30 sa aga sang Lunes.
Dugang pa sang natungdan, padayon sa gihapon nga nagapanugyan ang Philippine Consulate sa mga Overseas Filipino Workers (OFW) sa Hong Kong nga likawan ang pagkadto sa mga lugar nga patigayunan sang hublag protesta.
