ILOILO CITY – Nangin madinalag-on ang ginpatigayon nga 50th Iloilo-Guimaras Paraw Regatta Festival, ang oldest traditional craft event sa Asia kag largest sailing event sa Pilipinas.
Sa interview sang Bombo Radyo kay Ms. Joyce Clavecillas, executive director sang Iloilo Festivals Foundation, Inc., iya ginpahayag nga wala sang aksidente ukon disgrasya nga natabo sa mga tagpalasakup sa mga events.
Dugang pa niya, ang ini nga kahiwatan ang nagpahanumdom sa mga Ilonggo sang importansya sang pag-amlig sa mga baybayon nga nangin palangabuhi-an sang iban kag ang mga pumuluyo ang nagsalig sa maritime industry.
Nagapasalamat man ang Iloilo Festivals Foundation, Inc. sa tanan nga nagbulig agud matigayon ang madinalag-on nga festival subong nga tuig kag sang nagligad nga 50 ka tuig.
Nagalaum ang natungdan nga sa masunod nga tuig, mas madamo pa ang magapasakup sa mga events.
Samtang, yari naman ang mga nagdaog sa mga events sang 50th Iloilo-Guimaras Paraw Regatta Festival:
a. sa Slalom race competition
CATEGORY A- Kokoy
CATEGORY B- Kiss 2
CATEGORY C- Ashley
b. Paraw Regatta sailing competition
CATEGORY A- Arlene; Camangay, Leganes
CATEGORY B- Kiss 2; Parara Norte, Tigbauan
CATEGORY C- Team Ashley; Sambiray, Malay, Aklan
c. Pinta Layag competition- Jofan
d. Pinta Tawo competition- Nievas
e. Lighted Paraw- Entry 5 by Angelo Indencio
f. Lechon festival- Angel’s Lechon
