ILOILO CITY – Nangin madinalag-on ang ginpatigayon nga 50th Nutrition and Breastfeeding Month Celebration sa Museum of the Philippine Economic History, Annex Building, JM Basa Street, Iloilo City.
Tema sang aktibidad amo ang “Sa PPAN: Sama-sama sa Nutrisyong Sapat Para sa Lahat!”
Ini ang ginpangunahan sang Iloilo City Government kag City Health Office.
Nangin dinapit man nga bisita sa kahiwatan ang National Nutrition Council Region VI sa pagpanguna ni Reginaldo Guillen, Regional Nutrition Program Coordinator.
Magluwas diri, naghatag man sang mensahe si Mr. Myles Joseph Sotelo, president sang Apex Club of Iloilo City.
Nahibaluan nga ang pinakauna nga nutrition center sa Iloilo City ang ginpatukod mismo sang Apex Club sa diin nangin partner na ini sang syudad sa nagkalain-lain nga mga aktibidad sa patag sang nurtisyon.
