ILOILO CITY- Naglab-ot sa 51 ka mga insidente sang sunog sa Iloilo City ang narekord sang Bureau of Fire Protection sang bulan sang Marso.
Sa interview sang Bombo Radyo kay Fire Superintendent Melanie Habawel, Iloilo City Fire Marshal, iya ginpahayag nga sa amo nga numero, 16 diri ang structural, 34 ang non-structural, kag isa ang vehicular fire.
Suno kay Habawel, tuman ka taas ini nga mga fire incidents kun ikumpara sang Marso 2023 nga yara lang sa 33.
Dugang ni Habawel, bangud sa mataas nga kaso sang mga sunog, isa sa ila mayor nga ginakabalak-an amo ang pagkaubos sang ila source sang tubig nga ginakarga sa mga firetrucks ilabi na subong nga maiwat ang tubig bangud sa El Niño phenomenon.
