Masobra tunga sa mga adult Filipinos ang kumpiyansa sa evaluation sang government experts may kaangtanan sa COVID-19 vaccines nga makapalikaw sa paglapta sang virus.
Ini ang nagguwa nga resulta sa survey sang Social Weather Stations (SWS).
Sa pagpanalawsaw nga ginpatigayon sang Abril 28 tubtob Mayo 2, 2021, natukiban sang SWS nga 51% sa mga Filipinos ang confident sa vaccine experts sang gobyerno sa tunga sang COVID-19 pandemic.
Sa nasambit nga numero, 18% ang nagasiling nga “very confident” kag 34% naman ang nagsiling nga “somewhat confident.”
Samtang may yara sang 31% ang nagpahayag nga “uncertain” kag 17% naman ang indi kumpiyansa sa mga vaccine experts sang gobyerno.
Nag-interview ang SWS poll sang 1,200 nga mga adults nga naga edad 18 anyos pataas.
Sa total number, 300 ang gin-interview sa Balance Luzon, Metro Manila, Visayas kag Mindanao.
Samtang, nakit-an man sa resulta sang SWS nga sa 58% nga nagpahayag sang pagsalig sa vaccine experts sang gobyerno ang nagpahayag man nga handa sila nga magpabakuna.
Sa mga interesado magpabakuna, 41% ang nagsiling nga luyag nila mabakunahan para sa safety kag proteksyon batuk sa virus.
Ginsundan ini sang 30% nga luyag magpabakuna agud malikawan nga matapikan sang COVID-19.
Magluwas sini, pila ka mga rason nga ginpahayag sang mga Filipinos kun ngaa luyag nila magpabakuna amo ang mga masunod;
-Para sa safety sang ila nga pamilya batuk sa COVID-19 nga may 9%
-Agud mauntat na ang paglapta sang virus nga may 6%
-Required sa trabaho nga may 6%
-Safe kag proven effective nga may 5%
-Matigayon nga makaguwa sa balay nga wala sang pagkabalaka nga matapikan sang virus nga may 4%
-Bangud ini ang libre nga may 4% kag;
-Bangud ang iban ang nakapabakuna naman nga may 1%
Dugang pa, nagapakita nga sa SWS poll nga ang Mindanao amo ang may yara sang pinakamataas nga porsiento sang mga Filipino nga confident sa vaccine experts sang gobyerno.
