53 ka mga pulis sa Western Visayas, padayon nga nagabulig sa mga kapulisan sa Cebu City

Maayo ang akomodasyon sang Police Regional Office 7 sa mga pulis sang Western Visayas kasunod sang ila pag-augment sa Cebu City.

Sa interview sang Bombo Radyo kay PMaj. Antonio Benetiz, isa sa mga pulis nga ginpadala sa Cebu City, iya ginpahayag nga ginpang-assign sila sa mga lugar nga may madamo nga kaso sang Coronavirus Disease 2019 (COVID-19) agud hugot nga mabantayan ang lugar nga wala sang mga tawo nga nagapinagusto guwa bangud sa mataas nga risgo sang impeksyon.

Suno kay Benetiz, sang nag-umpisa ang ila augmentation, 12 ka oras ang ila trabaho apang sa subong walo na lang ka oras para sa mga police-non commissioned officer kag 12 sa gihapon ka oras sa mga police commissioned officers.

Nahibaluan nga 53 ka mga pulis sang PRO-6 ang ginpadala sa Cebu City sang Hunyo 18.