ILOILO CITY–Gintu-ad ni Police Chief Supt. John Bulalacao, regional director sang Police Regional Office 6, nga may yara sang tuyo ang mga katapo sang New Peoples Army (NPA) nga sudlon ang San Jose Municipal Police Station kag kampo sang military sa lugar.
Sunu kay Bulalacao, tatlo ka semana na nga ginabantayan sang mga otoridad ang presensya sang mga rebelde nga grupo nga nagapatigayon sang extortion activities sa mga kompaniya kag indibiduwal sa Antinque.
Gindula naman ni Bulalacao ang kahangawa sang publiko sa posible nga pagbaskog pa sang pwersa sang mga rebelde nga grupo sa probinsya sang Antique.
Ginpasalig ni Bulalacao nga kontrolado sang pulis kag militar ang lugar rason nga indi dapat magbatyag sang kahadlok ang publiko sa mga pagmahog sang rebelde nga grupo.
Samtang , gin-athag naman ni Col. Benedict Arevalo, commander sang 301st Brigade sang Philippine Army nga indi permanenete nga naga kuta sa Antique ang mga nagkalamatay nga mga rebelde.
Sunu kay Arevalo, nga naga saylo-saylo sang lugar ang grupo kag natabu-an lamang nga yara naman sila sa Brgy. Atabay, San Jose, Antique nagpatigayon sang extorion activities ang NPA.
Posible man sunu kay Anrevalo nga naga-audit lamang ang amo nga grupo sa lugar agud mahibalu-an kun pila ang malikom nila nga kwarta.
Sunu pa kay Arevalo nga sa bilog nga Panay nagapatigayon sang extortion activities ang grupo sang Napoleon Tumagtang Command sang NPA.