ILOILO CITY – Kapin sa 600 ang nagdugang sa listahan sang mga pasyente nga naka-recover sa COVID-19 sa Western Visayas.
As of October 12 nga case bulletin sang Department of Health Region 6, naglab-ot sa 556 ang nagdugang sa listahan sang mga naka-recover kun sa diin ang total recoveries ang naglab-ot na sa 10,045.
Naglab-ot naman ang 251 ka panibag-o nga COVID-19 cases ang na-reord kun sa diin ang kabug-usan nga numero ang naglab-ot na sa 13,822 samtang nagsaka sa 334 ang ginbawi-an sang kabuhi matapos nga siyam ang nagdugang sa listahan.
Sa subong, 3,443 ang total active cases sa Rehiyon 6 samtang kun pahat-pahaton ang 251 ka panibag-o nga kaso, 141 ang gikan sa Negros Occidental, 59 sa Iloilo City, 25 sa Bacolod City, 19 sa Iloilo kag 5 sa Capiz.
Sa pinaka-latest nga COVID-19 tally:
Aklan – 128
Antique – 65
Capiz – 624
Guimaras – 156
Iloilo – 1,566
Negros Occidental – 3,669
Bacolod City – 4,423
Iloilo City – 3,191
