Naglab-ot sa 56 ka mga Palestinian ang napatay matapos ginbombahan sang puwersa militar sang Israel ang isa ka high-rise building sa Gaza City.
Ini nga insidente natabo kasunod sang mando sang Israeli military nga magsaylo ang mga residente sa ginatawag nga ‘humanitarian zone’ sa southern nga bahin sang Gaza.
Lakip sa mga napatay amo ang pila ka mga indibidwal nga gin-report nga nagahulat sang ayuda sa lugar.
Suno kay Israeli military spokesperson Avichay Adraee, nga gina-target ang mga matag-as nga building sa Gaza bangud ginapatihan nga may mga imprastraktura ang Hamas sa sulod ukon malapit diri.
Ginpanginwala naman sang Hamas ang alegasyon.
Sa subong, base sa pinakabag-o nga datos halin sa health ministry, masobra na sa 63,000 ka Palestinian ang napatay sa malapit duha ka tuig nga giyera sa Gaza.
