57 ka pulis sa New York, nagpakita sang suporta sa ila mga kaupdanan nga ginsuspinde bangud sa pagtiklod sa isa ka raliyesta

NEW YORK, USA– Boluntaryo nga naghalin sa pwesto ang 57 ka police emergency responders sa New York sa Estados Unidos bilang pagpakita sang suporta sa duha ka pulis nga ginsuspinde matapos gintiklod ang 75 anyos nga raliyesta.

Suno sa isa ka police, wala sila sang sala bangud ginasunod lamang nila ang ginasugo ni Deputy Police Commissioner Joe Gragmalia.

Ginpahayag sang pulis nga wala sila nagapati nga sala ang ginhimo sang ila duha ka upod bangud sakop ini sang ila trabaho.

Apisar nga naghalin sila sa pwesto, kabahin man sila sa gihapon sang police department.