Nakabaton sang pagdayaw ang isa ka 58-anyos nga iloy nga dungan nga naggradwar sa senior high school sa isa ka eskwelahan sa Lapu-Lapu City, Cebu.
Ang iloy amo si Elma Antonio samtang ang duha niya ka mga anak amo sanday James Dean, 28-anyos kag Ritchie, 23-anyos.
Halin sa Albuera sa Leyte ang mag-iloy nga nagsaylo sa Cebu sa handom nga magsanyog ang ila pangabuhi.
Bangud man sa ila pagsaylo-saylo sang ilistaran, wala man nakaeskwela ang duha ka kabataan.
Apang bangud sa handom nila nga makatapos sa pagtuon, nangita ini sang oportunidad nga mag-eskwela kag didto siya nakasulod sa open high school program sang Lo-ok National High School.
Gin-upod niya ang duha niya ka mga anak nga may trabaho na man.
Nangin mag-classmates man ang tatlo.
Bangud nakatapos na sila sa senior high school, nagalaum si Elma nga makapangita sila sang mas maayo nga trabaho.
Kaupod man sa plano nila nga magpadayon sa kolehiyo.
