Patay ang 6-anyos nga bata sa Brgy. Buhay, Alimodian, Iloilo matapos nga nabunggo-an sang isa ka motorsiklo.
Sa interview sang Bombo Radyo kay Police Lt. Rolly Sorongon, Deputy Cop sang Alimodian Municipal Police Station, iya ginpahayag nga nagtabok ang bata sa dalan kaupod ang iya nga iloy.
Suno kay Sorongon, sang nagatabok na ang mag-iloy, nagbalik pa ang menor-de-edad nga bata rason nga nabunggo-an ini sang motorsiklo.
Ginpahayag man sini nga bangud sa impact sang pagkabunggo, natam-an gid ang bata sa iya ulo.
Gindala pa sa Aleosan District Hospital ang biktima apang ginbawian sa gihapon sang kabuhi.
Nakatalana naman nga pasakaan sang kaso nga reckless imprudence resulting to homicide ang driver sang motorsiklo.
