ILOILO CITY- Patay ang isa ka anom ka tuig nga bata nga taga- Janiuay, Iloilo bangud sa dengue hemorraghic fever.
Ang biktima amo si John Matthew Jabonite, grade-1 pupil sang brgy. Monarch, Janiuay, Iloilo.
Sa interview sang Bombo Radyo kay Ma. Sharon Jabonite, iloy sang bata, iya ginpahayag nga Urinary Tract Infection lang ang una nga finding nga ginabatyag sang iya bata apang sang ulihi, nadiskubrehan nga nagasuprir na ini sang dengue.
Suno sa iloy, antes napatay ang iya anak, natughungan pa ini sang dugo.
Nagadeliryo man ang biktima sa diin nagapamilin-bilin na ini antes ini ginbawian sang kabuhi.
Nagapati ang iloy nga sa ila eskwelahan posible nakagat ang bata sang lamok nga nagadala sang nasambit nga balatian.
Nahibaluan nga sa Cavite naga-istar ang pamilya sang biktima sa diin didto man ini ginbawian sang kabuhi apang gindala lang pauli ang bangkay sini sa Janiuay, Iloilo.
