𝗜𝗟𝗢𝗜𝗟𝗢 – Anom ka mga banwa sa Iloilo ang kumpirmado nga magapasakop sa Kasadyahan sa Kabanwahanan bilang isa sa mga highlights sang Dinagyang Festival 2025.
Ini amo ang Leon, Anilao, Maasin, Igbaras, Cabatuan kag Dumangas.
Sa interview sang Bombo Radyo kay Iloilo Governor Arthur Defensor, Jr., iya ginpahayag nga ginahulat pa niya ang kumpirmasyon sang iban nga mga banwa kun magapasakop ang mga ini sa Kasadyahan sa Kabanwahanan.
Suno kay Defensor, sang nagligad nga tuig, nakabaton sang tag- P1 million nga pondo ang kada banwa nga nagpasakop sa kahiwatan.
Apang subong nga tuig, gina-finalize pa ang ihatag nga pondo para sa mga banwa.
Patigayunon naman sa Enero 9, 2025 ang Opening Salvo sang Kasadyahan sa Kabanwahanan.
Samtang sa Enero 25, 2025 naman ang contest proper sang Kasadyahan sa Kabanwahanan.
