ILOILO CITY – Anom ka mga barangay sa siyudad sang Iloilo ang ginakabig nga areas of concern may kaangtanan sa palaabuton nga barangay kag Sangguniang Kabataan (SK) election.
Tatlo sa mga barangay ang natumod sa distrito sang La Paz kag tatlo man sa distrito sang Jaro suno sa Iloilo City Police Office (ICPO).
Suno kay ICPO spokesperson S/Insp. Sheila Mae Acanto Sangrines, ang mga barangay ang padayon nga gina-deliberate kun ipaidalom sa election watch list of areas (EWAS).
Sa karon suno kay Sangrines, ginahulat nila ang liwat nga pagsapol sang Joint Security Task Force kaupod ang Comelec kag Armed Forces of the Philippines (AFP) agud matalakay ang nasambit nga butang.
Gin-athag ni Sangrines nga wala nagakahulugan nga ang mga barangay nga ginkabig nga areas of concern ang otomatiko nga ipaidalom sa watch list.