ILOILO CITY – Anum na ka mga COVID-19 positive sa Brgy. San Juan, Molo, Iloilo City ang naka-recover na.
Sa interview sang Bombo Radyo kay Punong Barangay Pascual Espinosa, iya ginpahayag nga naglab-ot na sa 70 ang nagpositibo sa COVID-19 sa ila lugar.
Suno kay Espinosa, may iban nga bag-o pa lang nakuhaan sang swab sample para sa COVID-19 test apang may iban naman nga nagahulat pa sang resulta.
Ginpahayag ni Espinosa nga ang mga nagpositibo sa virus ang yara nagatinir sa quarantine facility samtang ang mga nalakip sa contact tracing nga nagahulat pa sang resulta sang COVID-19 test ang naka-home quarantine.
Santo sa record, kalabanan sa mga nagpositibo sa COVID-19 sa nasambit nga barangay ang nagatrabaho sa Iloilo Fish Port Complex.
Apisar sang kabudlay, ginpahayag sang Punong Barangay nga ginapangitaan na lang sang paagi sang Barangay Council kun paano mahatagan sang bulig ang mga apektado nga residente.
