Patay ang anom ka mga ginapahayag myembro sang Bangsamoro Islamic Freedom Fighters lakip na ang apat ka mga menor de edad kag isa ka soldado matapos ang engkwentro sa tunga sang militar kag terorista nga grupo sa ginahimo nga crackdown sang 6th Infantry Division batuk sa mga terorista sa Dasawao, Datu Piang kag Shariff Saidona Mustapha sa Maguindanao.
Ang mga napatay amo sanday Oman, Andok, Salem, Kasim, Camid kag Musib nga lunsay gina-alegar tagasunod ni Abdulmalik Esmael alyas “Abu Toraife” nga isa sa mga lider sang BIFF faction.
Samtang ang soldado naman amo si Sgt. Ahmad Mahnood nga isa ka ranger sang Philippine Army.
Suno kay Lt. Col. Roberto Brenoneria, tagpamaba sang 6th ID, may yara sang ginapatihan anom ka mga Indonesians kag Malaysians nga kaupod ang mga BIFF sa diin padayon nila nga ginapangita.
Apisar nga may mga alegasyon nga ang mga myembro sang BIFF ang nagkalamatay, indi sa gihapon ini makumpirma sang militar bangud nagapadayon pa ang ila crackdown operations.
