ILOILO CITY – Anum ka mga kandidato sa pagka-konsehal sa syudad sang Iloilo ang wala nakapasa sang Statement of Contribution and Expenditures (SOCE) sa gintalana nga deadline sang kahapon nga adlaw.
Sa interview sang Bombo Radyo kay Atty.Mavil Majarucon Sia, Iloilo City Elections Officer, iya ginpahayag nga lakip sa mga wala nakapasa sang SOCE sa Commission on Elections (COMELEC) amo sanday: John Douglas Janducayan, Mark Mhaizer Jadulos, Jose Allen Aquino,Eddie Marie Bañez, Rex Markus Sarabia kag Wilfredo Garcia.
Santo sa Section 14 sang Republic Act 7166, ginamandu-an ang mga kandidato, nagdaug man ukon wala, nga magpasa sang ila SOCE sa sulod sang 30 ka adlaw, pagkatapos sang eleksyon.
Ang mga mapaslawan nga makapasa ang may yara sang pagabayaran nga multa kag mahimo nga indi na liwat makapadalagan sa bisan ano nga elected position.
