ILOILO CITY – Anum ka panibag-o nga kaso sang Coronavirus Disease 2019 (COVID-19) ang na record sang Department of Health Region 6 apang nadugangan naman sang duha ang naka recover sa bug-os nga Western Visayas.
As of June 16, 413 sa 419 ka laboratory results ang nagnegatibo kun sa diin lakip sa mga COVID-19 patients amo ang mga masunod:
Patient no. 148 – 30 anyos nga lalaki sang Igabaras, Iloilo
Patient no. 149 – 32 anyos nga lalaki sang La Paz, Iloilo City
Patient no. 150 – 50 anyos nga lalaki sang Mandurriao, Iloilo City nga isa ka Locally Stranded Individual
Patient no. 151 – 22 anyos nga lalaki sang Lambunao, Iloilo
Patient no. 152 – 35 anyos nga lalaki sang Binalbagan, Negros Occidental nga isa ka repatriated Overseas Filipino Worker
Patient no. 153 – 46 anyos nga lalaki San Carlos City, Negros Occidental nga isa ka repatriated Overseas Filipino Worker
Ang anum ka mga nasambit nga pasyente ang lunsay naka facility quarantine kun sa diin ang taga La Paz kag Lambunao amo ang duha ka pulis samtang ang taga Igbaras naman amo ang empleyado sang Department of Social Welfare and Development.
Ang mga pasyente naman nga nag-ayo ang lunsay repatriated Overseas Filipino Workers nga ginalakipan nanday:
Patient no. 97 – 45 anyos nga lalaki sang Talisay City, Negros Occidental
Patient no. 109 – 59 anyos nga lalaki sang Makato, Aklan
Naglab-ot sa 153 ang COVID-19 cases sa Rehiyon 6, 103 ang naka-recover samtang 11 naman ang patay kag kun pahat-pahaton, 6 ang Aklan ang may 6 ka COVID-19 cases, 14 sa Antique, 6 sa Capiz, 23 sa Iloilo Province, 3 sa Negros Occidental, 11 sa Bacolod City, 20 sa Iloilo City kag 70 sa repatriates.
