ILOILO CITY- Indi magnubo sa anom ka tawo ang patay kag tatlo ang pilason sa Israeli strike sa residential building sa Nabatieh city, sa southern Lebanon.
Ini ang ginkumpirma sang Lebanese health ministry.
Sa tunga ini sang nagasingki nga tension matapos ang makamamatay nga rocket strike sa Israeli-occupied Golan Heights nga ginbasol sang Israel sa Hezbollah.
Nagbalos ang Israel nga nagresulta sa kamatayon sang top Hezbollah commander sa Beirut.
Ang Hezbollah nangako man nga magabalos sa Israel, kasubong man sa ginhimo sang Iran bangud sa kamatayon sang political chief sang Palestinian Hamas group nga si Ismail Haniyeh sa Tehran.
