ILOILO CITY – Natumod na sang mga otoridad ang iloy nga nag-abandona sang iya 6-month-old baby sa isa ka mall sa Mandurriao, Iloilo City.
Sa interview sang Bombo Radyo kay Teresa Gelogo, City Social Welfare and Development officer, iya ginpahayag nga tumandok sang probinsya sang Iloilo ang iloy nga nagbilin sang iya lapsag.
Suno kay Gelogo, magapatigayon sila sang case conference kaupod ang Municipal Social Welfare and Development Office sa banwa sa diin naga-istar ang iloy.
Ipaidalom man sa psychological examination ang ginikanan sang lapsag agud mahatagan sang nagakaigo nga bulig.
Sa subong suno sa natungdan, yara na sa maayo nga kahimtangan ang lapsag kag gintinir ini sa Crisis Intervention Unit sang City Social Welfare and Development Office.
