Patay ang anum ka tawo kag pilason ang 11 ka iban pa matapos ginbombahan ang isa ka salakyan sa tuyo nga patyon ang gobernador sang Aden sa Yemen.
Sandig sa reports, nakaluwas sa amo nga pagpang-atake si Aden governor Ahmed Lamlas kag ang government minister nga si Salem al-Socotri.
Ang duha ka nasambit nga opisyal ang lunsay myembro sang separatist group sa southern Yemen.
Si Lamlas ang secretary-general sang Southern Transitional Council (STC), ang separatist group nga nagakontra sa Saudi-backed government sa pagkontrol sa Aden kag sa wider south sang Yemen.
Si Al-Suqatri naman ang myembro sang United Arab Emirates-backed STC.
Lakip sa napatay amo ang press secretary sang gobernador, ang photographer, ang head sang iya nga security detail, ang isa pa nila ka upod, kag ang civilian bystander. Padayon pa ang imbestigasyon angot sa amo nga “terrorist assassination attempt”.
