ILOILO CITY – Ginapahayag nga ginbawian sang kabuhi ang isa ka 60-anyos nga lalaki matapos nga nag-check in sa isa ka lodging house sa Barangay Sto. Niño Sur, Arevalo, Iloilo City.
Sa interview sang Bombo Radyo kay Police Captain Mavin Laraño, hepe sang Arevalo Police Station, iya ginpahayag nga nag-check in sa isa ka lodge ang senior citizen upod sa isa ka babayi kaina sang kaagahon.
Suno kay Laraño, base sa pahayag sang mga roomboy, matapos ang ginabanta 30 minutos, nagpanaog ang babayi kag nagpanugid nga hinali nga nagtiskog ang lalaki kag ginapatihan gin-atake sa tagipusuon.
Pahayag niya, gilayon nga gintawgan ang Iloilo City Emergency Responder kag ginhingagaw dala sa ospital ang senior citizen.
Sa subong, padayon pa nga ginapangita sang Arevalo Police Station kun sa diin nga ospital gindala ang lalaki.
Dugang pa ni Laraño, ginbawian sang kabuhi ang lalaki apang wala pa nila nakita ang death certificate sini.
Ang senior citizen ang ginapahayag masami nga nagapadulong sa amo nga lodging house.
