Gin-inagurahan na ang 2-storey Multi-Purpose Building ukon People’s Center nga nagabalor P60 milyon sa Barangay San Isidro, Jaro, Iloilo City.
Ini nga estruktura ang magaserbe bilang evacuation center kag lugar sang komunidad sa tion sang mga emerhensya kag mga aktibidad.
Ang seremonya sang ribbon cutting kag unveiling sang marker ginpangunahan nanday Senator Sherwin Gatchalian, Iloilo City Lone District Representative Jamjam Baronda, iya utod nga si Vice Mayor Love Baronda, Special Assistant to the House Speaker kag anay alkalde nga si Jed Patrick Mabilog, OCD-6 Director Raul Fernandez kag Barangay Captain Ronela Juaneza.
Ang MPB may kumpleto nga pasilidad pareho sang kusina, mga comfort rooms, storage rooms, kag basketball court sa ikaduha nga palapag.
Bukas na ini sa publiko kag mangin sentro sang mga importante nga aktibidad sa barangay.
Ginpatukod ang proyekto paagi sa inisyatibo ni Cong. Jamjam Baronda kag sa kooperasyon sang Department of Public Works and Highways.
