Nagdangat na sa 62 ka sunog ang narekord sang Bureau of Fire Protection-Iloilo City halin Enero 1 tubtob Abril 19 sa siudad sang Iloilo.
Sa interview sang Bombo Radyo kay SFO1 Denmark Macoco, hepe sang Intelligence and Investigation Unit sang Bureau of Fire Protection (BFP) Iloilo City, iya ginpahayag nga mas madamo ang nagluntad nga sunog subong nga tuih kun ikumpara sa kaangay nga timeline sang nagligad nga 2025 kun sa diin nakarecord lang sila sang 27 fire incidents.
Suno sa iya, sa 62 ka mga sunog, 38 diri amo ang residential fire nga kalabanan nga gintunaan amo ang electrical in nature ukon may kaangtanan sa mga guba nga wirings ukon appliances
kag mga ginapabay-an mga dabok.
Ginpakigbahin man ni Macoco nga kabahin man sa ila nga ginapangatubang nga pagpanghangkat amo ang kulang nga tinawo sang ahensya agud nga makapatigayon sang inspeksyon sa mga establisyamento kaangay sang boarding house agud masiguro nga nagasunod ang mga ini sa fire safety measures.
Nagpahanumdom man sya sa publiko nga kinahanglan gid nga mangin responsable sa paggamit sang kalayo kag amo man sa mga bagay nga pwede nga tunaan sang sunog.
