ANTIQUE – Ginguyod, ginlabo, kag gin-utod ang ulo sang isa ka 63-anyos nga mangunguma sa Brgy. Nasuli, San Remigio, Antique.
Ang biktima amo si Ronito “Dodoy” Anecito, residente sang nasambit nga lugar.
Sa interview sang Bombo Radyo kay Pol Lt. Johnny Arnad, officer-in-charge sang San Remigio Municipal Police Station, iya ginpahayag nga siyam ka metros ang antad sang ulo sang biktima sa iya nga lawas.
Ginpahayag ni Arnad nga nagalakat ang biktima padulong sa iya nga balay kag nagasunod sa iya likod ang duha ka suspek nga sanday Ruben Gregorio, 27 anyos, kag Joseph Anacleto, 35 anyos.
Suno kay Arnad, “binakuko” ang gingamit sang mga suspek sa paglabo sa biktima; kag sang wala pa nakontento, ginbitbit pa ang ulo sang biktima kag ginpasa-pasahan, rason nga tuman kalayo ang gintabog sini.
Ang isa ka binangon ang nakit-an sa crime scene samtang ang isa naman ang na-recover sa possession ni Gregorio.
Tuman nga kahulugbon kag daan nga hiligut-anon ang ginalantaw nga rason kun ngaa nahimo sang mga suspetsado ang krimen.
Gilayon man nga nadakpan ang duha ka suspetsado kag subong nagapangatubang sang kaso nga Murder.
#
