ILOILO CITY – 63 ka locally stranded individuals (LSIs) gikan sa Cebu ang nag-abot sa Philippine Ports Authority (PPA) – Iloilo subong nga aga, Agusto 28.
Suno sa Office of Civil Defense (OCD) Region VI, 27 ang taga-Antique; 1 ang taga-Guimaras; 25 ang taga-probinsya sang Iloilo; kag 10 ang taga-syudad sang Iloilo kun sa diin 7 ang Locally Stranded Individuals kag 3 ang Authorized Persons Outside Residence.
Ginpangsugat man sang tagsa ka local government unit (LGU) ang mga repatriates.
Nahibaluan nga una na nga nagkomiter ang syudad kag probinsya sang Iloilo nga magsunod sa mandu sang Department of the Interior and Local Government (DILG) nga indi na pag-i-require ang negative results sang reverse transcription polymerase chain reaction (RT-PCR) test sa mga magaabot nga LSIs.
