ILOILO CITY – Naglab-ot na sa 716 ang kumpirmado nga kaso sang Coronavirus Disease 2019 (COVID-19) sa Western Visayas.
As of July 17, naglab-ot sa 17 ka panibag-o nga COVID-19 cases ang nagdugang sa listahan apang 63 ang nagdugang sa numero sang mga naka-recover nga naglab-ot na sa 345 kag nagapabilin sa 12 ang patay.
Sa 504 ka laboratory results, 483 ang nagnegatibo sa virus samtang 21 ang nagpositibo apang 17 lang ang panibag-o nga kaso samtang ang apat ang nagpositibo sa repeat test.
Sa 17 ka pasyente, anum diri ang naghalin sa probinsya sang Iloilo nga ginalakipan sang duha sa Lemery, duha sa Calinog isa sa Dueñas kag isa sa San Miguel.
14 sa mga pasyente ang naka-facility quarantine, duha ang naka-home quarantine kag isa ang admitted sa hospital.
Sa 63 naman ka mga naka-recover, 15 diri ang naghalin sa probinsya sang Iloilo samtang walo ang naghalin sa syudad sang Iloilo.
Sa subong:
Aklan – 6
Antique – 15
Capiz – 6
Iloilo Province – 62
Negros Occidental – 26
Bacolod City – 18
Iloilo City – 46
Repatriates/LSIs – 537
Tagged to other region – 6
