Patay na sang nasapwan sa isa ka quarantine facility ang isa ka lalaki nga COVID-19 positive sa Jordan, Guimaras.
Ang lalaki amo si Alyas ‘Carl’, 64 kag residente sang San Miguel, Jordan, Guimaras.
Sa interview sang Bombo Radyo kay Jordan, Guimaras Mayor Engr. Ruben Corpuz, iya ginpahayag nga una na nagpositibo sa COVID-19 ang asawa ni Carl.
Matapos ginswab test ang bug-os nga myembro sang puluy-an ni Carl, nagwa nga siya lamang ang nalatnan sang nasambit nga virus.
Suno kay Corpuz, nakapaidalom pa sa istrikto nga monitoring ang lalaki samtang ginaquarantine sang nakit-an ini sang medical personnel nga nagabukal na ang baba kag wala na sang kabuhi.
