Pilason ang isa ka indibidwal, matapos ini nga gintiro samtang nagapamunyag sa Villa Hermosa Subdivision sa Brgy. Baldoza, La Paz, kahapon nga adlaw, Marso 15, sang wala pa makilal-an nga suspek.
Ginkilala ang biktima kay Edgar Portellano, 64-anyos kag residente sang nasambit nga lugar.
Sa interview sang Bombo Radyo kay Alyas Nonoy, isa sa mga nakabati sang paglupok, iya ginpahayag nga nakit-an pa niya nga nagpalagyo ang suspek matapos sini nga gintiro si Portellano, apang wala sa iya huna-huna nga ini amo ang tawo sa likod sang pagtiro sa biktima.
Gilayon man nga gindala si Portellano sa ospital agud nga mahatagan sang nagakadapat nga pagbulong.
Sa subong, padayun pa ang imbestigasyon sang mga kapulisan agud matumod ang suspek sa nasambit nga insidente.
