Sang Lunes pa sang nasiplatan sa satellite ang 64-kilometros nga kalabaon sang convoy sang mga tangke kag armado nga mga salakyan sang Russia nga padulong sa Kyiv, ang kapital sang Ukraine.
Ginapahayag 25 ka kilometros na lang ang nabilin kag malab-ot na sang una nga bahin sang convoy ang Kyiv.
Apang nanotisyaran man nga wala ini nagahulag kag ginapahayag nag-untat sa dalan. Gintumod ang pila ka logistics problems nga amo ang na-encounter sang tropa.
Lakip diri ang kagutom kag ang kakulang sa gatong.
Suno sa wala ginpangalanan nga senior US defence official, may Russian military columns nga nag-“literally run out of fuel and, in some places, they were running out of food.”
Apang ginpahayag man nga may madamo pa nga combat power ang Russia nga wala pa nagamit. ##
