Ginbawian sang kabuhi ang 64 ka mga tawo samtang 89 naman ang pilason matapos ginbombahan ang isa ka healthcare facility sa Sudan.
Suno sa World Health Organization, nalakip sa mga napatay ang mga bata, nurses, doktor kag iban pa nga mga pasyente.
Suno naman sa Sudanese rights group nga Emergency Lawyers, isa ka drone strike sang militar ang nag-igo sa El-Daein Teaching Hospital sa El-Daein City.
Ang mga ospital ang nagapanguna nga target sang miitar humalin sang nag-ibwal ang kinagamo sang Abril 2023.
Nag-ugat ang kinagamo bangud sa power struggle sa tunga sang duha ka rival military forces nga amo ang Sudanese Armed Forces (SAF) nga amo ang regular army, kag ang
Rapid Support Forces (RSF) nga isa ka powerful paramilitary group.
Ang paramilitary Rapid Support Forces ang nagadominar sang malapad nga Darfur region sa western Sudan, samtang ang army naman sang Sudan amo ang nagakontrol sa east, center kag north.
