Masobra 6,000 ka mga Persons Deprived of Liberty (PDL) sa Western Visayas ang magaboto sa palaabuton nga 2025 midterm elections.
Sa interview sang Bombo Radyo kay Atty. Juniven Rey Umadhay, spokesperson sang Bureau of Jail Management and Penology (BJMP) Region 6, iya ginpahayag nga ang pagboto ang may ‘specific special precinct’ nga maga-akomodar sa mga rehistrado nga preso.
Suno kay Umadhay, masobra 60% ang registered voters sang PDL subong sa rehiyon ang magapartisipar sa piniliay.
Gintuad man sini nga may yara na sila nga ginpaguwa nga mga pagsulundan agud nga ma-eksplekar sa mga preso kag mapatuman sa tion sang eleksyon.
Sa kabug-usan, may yara sang 6,561 ka mga mga preso ang maga-cast sang ila nga boto.
