Ginpagwa na sang Department of Education ang pagsulundan para sa pagpatigayon sang summer classes subong nga tuig.
Nakasaad sa pagsulundan nga magasugod na sa Mayo 11 ang pagpatigayon sang remedial, enrichment kag advancement classes lakip man ang Saturday classes para sa summer 2020.
Base man sa ginpagwa nga memorandum ni Department of Education Secretary Leonor Briones, ang mga eskwelahan nga maga patigayon sang summer class ang nagadakapat nga mag gamit sang distance learning measures.
Ang distance learning isa ka paagi sang pagtudlo sa mga estudyante nga wala nagakinahanglan sang face-to-face interaction sa tunga sang estudyante kag manunudlo kag magamit lang sang printed materials ukon online platforms.
Ang mga estudyante humalin sa Grade 1 tubtob senior high school nga may yara sang remedial classes ang magakuha nalang sang make-up class para sa school year 2020-2021.
Nagakadapat man nga magpasa sang implementation plan sa ila division superintendent ang mga eskwelahan nga nagaplano nga magpatigayon sang remedial kag summer classes antes magsugod ang bag-o nga school year sa Agosto 24.
